Monday, February 14, 2005

அடே போடா மன்மதா!

பெண்களை அவமதித்தாய்….!

"Die Leute und Kinder sehen den Film und sagen, dass der ein super Film ist. Aber sie wissen nicht was für ein schlimmer verbrechen in dem Film drin ist.“ ~ Senthuran, 12 Jahre alt.


"இந்தப் படத்தினைப் பார்த்து சனங்களும் சிறுவர்களும் "சுப்பர்ப் படம்“ என்று கூறுகின்றனர். ஆனால் இந்தப் படம் எவ்வளவு குற்றச்செயலை உள்ளடக்கியுள்ளது என்று அவர்களுக்குத் தெரியவில்லை.“
- செந்தூரன், வயது 12 (சில வருடங்களாக ஜேர்மனியில் வசித்துவருகின்றார்.)

பதினாறோ அல்லது பதினெட்டு வயதிலோ "தண்டனை“ என்ற ஒரு சிறுகதையை "நமது குரல்" என்கின்ற பெண்கள் சஞ்சிகையில் எழுதியத்திற்கெதிராக கடுமையான விமர்சனங்களை சந்திக்கநேர்ந்தது. இதன் உள்ளடக்கம் கணவரால் நிதமும் சித்திரவதைக்கு உள்ளான ஒரு மனைவி இறுதியில் தனது கணவரை மிகவும் கெட்டித்தனமாகக் கொல்கிறார். இது தொடர்ச்சியாகச் செய்த மூன்றாவது ஆண்கொலை என்று நினைக்கிறேன். "நாட்டில் கொலைக்கலாச்சாரம் நிறைந்து வழியும் ஒரு காலகட்டத்தில் இப்படி எழுதுவது மிகவும் வன்மையாகக் கண்டிக்கப்படவேண்டியது“ என்று அந்தக்காலத்தில் அக்கறையுடைய தோழர்கள் விமர்சனங்கள் சொன்னபோது அது சரியென்றே தோன்றியது. அதற்குப்பின் கதைகளில் நானாக யாரையும் கொன்றதாக ஞாபகமில்லை. மற்றவர்களுக்குத் தெரியாமல் மனதுக்குள் கொன்றிருக்கக் கூடும். ஆனால் அப்பட்டமாகச் எழுதத் துணிவில்லை. சில வேளைகளில் சில விடயங்களுக்கு மனுசி-மனுசம் துணியாமல் இருப்பதுகூட நல்லதென்றே தோன்றுகிறது. அன்று கதைகளில் கொல்லும் எனது செயலுக்கு முற்றுப்புள்ளி வைத்த நண்பர்களின் கருத்துக்கள் இறவா வரம் பெற்றவை! புத்தகங்களுக்குள் புதைக்கப்பட்ட மனிதர்களை மீட்டு எடுக்கமுடியாது. ஆனால்…மனதுள் விளைந்த புதிய கருத்துக்களை மரணிக்கவிடாமல் வளர்க்கமுடியுமே!.
(இன்றுவரையில் கொலைக் கலாச்சாரத்திற்கு மட்டும் சாவு வரவில்லை என்பதுதான் மிகவும் வருத்தம்.)

வீட்டிலும் றோட்டிலும் கொலைகள் நடக்கிறதோ இல்லையோ ஒரு இடத்தில் தொடர்ந்து தலைகள் விழுந்துகொண்டே இருக்கும். அதுதான் சினிமா! பாக்கு வெத்திலையுடன் சுண்ணாம்பு தடவாமல் விட்டால் எப்படியிருக்கும்? சிகப்பாகாது இல்லையா? அப்படித்தான் சிலவேளைகளில் சினிமாவிற்குக் கதையெழுதுகிறார்களோ என்று எண்ணத் தூண்டும் காட்சிகள்!

தமிழ் சினிமா அடிக்கடி எமக்குத் தரும் செய்திகளில்
ஒன்று: பெண்கள் கேவலமானவர்கள். அல்லது கேவலப்படுத்துங்கள்!
இரண்டு: உங்களுக்கு ஒத்துவராத ஆட்களைப் போட்டுத் தள்ளுங்கள்! குறைந்த பட்சம் கை காலையாவது முறியுங்கள் என்பதாகும்.
சில படங்களைப் பார்த்தால் கொலை! கொலை! கொலை!

நாம் பார்ப்பது கேட்பது சிரிப்பது உண்பது என்கின்ற வாழ்வில் எமக்கு மிக ஐக்கியமாக இருக்கும் விடயங்களைக்கூட தெரிவுசெய்யும் உரிமையும் சந்தர்ப்பமும் சிலசமயங்களில் எமக்கு மறுக்கப்படுகின்றது.. நண்பர்களின் வீட்டிலோ தெரிந்தவர்களுடன் இருக்கும்போது நாம் விருப்பமில்லாத தமிழ்ப் படங்களையெல்லாம் பார்க்க நேரிடுகின்றது. மற்றும்படி தேர்ந்தெடுக்கப்பட்ட படங்களையே பார்ப்பதுண்டு.

சில தமிழ்ப்படங்களைப் பார்த்துவிட்டு அதன் கெட்ட தாக்கத்திலிருந்து விடுபட வேறு நாட்டு நல்ல படங்களைப் பார்த்துத் தேறாப்பி செய்ய வேண்டிவருகின்றது. காதலையும் கொலையையும் பெண்களைக் கேவலப்படுத்தும் விடயங்களையும் தவிர்ந்த வேறு ஏதாவது ஒரு விடயத்துடன் அவை இருக்குமே!

நண்பர்கள் வீட்டிற்குச் சென்றிருந்தபோது அவர்களின் பன்னிரண்டு வயதுடைய மகன் "மன்மதன் சுப்பர்ப் படம் பார்ப்பமோ?“ என்று கேட்டது மட்டுமல்லாமல் சீடியைக் கையில் வைத்து சுளட்டிக்கொணடிரருந்தான். மன்மதன் பற்றி சரியாகத் தெரியாது. தமிழ்ப்படங்களை அண்மையில் பார்க்கவும் இல்லை அறியவுமில்லை. ஆர்வம் மேலிட "நல்ல படமோ?“ என்று கேட்க "உதவாத படம். சிம்புவின் ஆண்குறியை வெட்வேண்டும் என்று றோசா வசந்தன் விமர்சனம் எழுதியிருக்கிறார் தமிழ் மணத்தில்" என்று நண்பர் சொல்ல எனது குட்டி நண்பனோ விட்டதாக இல்லை. "ஆனால் சிம்புவின் நடிப்பு சுப்பர். உங்களோடை இருந்து பாக்கப்போறன். ஒருக்கால் எற்கனவே பார்த்திட்டன். உங்கட கருத்து என்னவெண்டு தெரிஞ்சுகொள்ள ஆசையாக இருக்கு என்று குட்டி நண்பன் ஒன்றைக்காலில் நிற்க மன்மதனை அசையவிட்டோம். சகிக்கமுடியாத கட்டங்களை வெட்டி வெட்டி..

இரண்டாவது தடவைகள் (எத்தனை தடவைகள் என்று சரியாகத் தெரியாது) பார்த்தும் ஒவ்வொரு சின்ன அசைவுகளையும் கண்வெட்டாமல் இரசித்துப் பார்க்கும் அவனின் போக்கு கவலையாகவிருந்தது. இவன் எதிர்காலம் மீதான பயத்தினைத் தந்தது. இவன் மட்டுமல்ல எமது தமிழ் நண்பர்களின் பிள்ளைகளாகிய குட்டி நண்பர்களெல்லாம் வளர்ந்தவர்கள் மட்டுமே பார்க்கக்கூடி படங்களை எந்தத் தங்குதடையும் இன்றிப் பார்க்கிறார்கள். இதுபற்றிக் கதைத்தால் "இங்கிலீஸ் படங்களில பார்க்காத வன்முறையையே இதுகளில காணப் போகுதுகள்." என்றுதான் பதில் பெற்றாரிடமிருந்து வருகிறது. ஆனால் வாயை மூடிக்கொண்டிருக்க முடிவதில்லை. முடிந்தவரை இது பற்றி "வளர்ந்த" நண்பர்களுடன் விவாதிக்கவேண்டியிருக்கிறது.

மன்மதன் போன்ற படங்கள் தமிழுக்கு ஒன்றும் புதிதல்ல. பார்க்கப்பட்ட காலமும் பக்கத்தில் இருந்தவர்களும்தான் புதிதாக இருந்தது.
சிறுவர்களுடன் கூடுதலாக "Shreck" பற்றிக் கதைப்பதுவோ அல்லது கொஞ்சம் வளர்ந்தவர்களென்டால் "Harry Potter" பார்ப்பதும் கதைப்பதுடனும் நின்றுவிடும். ஆகலும் மிஞ்சினால் பதினைந்து பதினாறு வயது நண்பிகள் "காதல்“ பாத்தியா? “றெயின்போ காலனி“ எப்பிடி? என்பதற்கு "ஓம்“ அல்லது "இல்லை“ "நல்லது“ அல்லது "சரியில்லை“ என்பதுடன் நின்றுவிடும். ஒரு பன்னிரண்டு வயதுச் சிறுவனுடன் தமிழ்படம் ஒன்றைப் பார்த்து விவாதிப்பதென்பது ஒரு சுவார்சயமான விடயம்தான் (அதற்கு மன்மதனா அம்பிட்டான் என்று கேட்கவேண்டாம் "அடல்ற் ஒன்லி" படத்தை சிறுவனுடன் சேர்ந்து பார்த்த குற்றவாளியென்று திட்டவேண்டாம். இது ஒரு Ausnahme).

மன்மதன் தனது தந்திரத்தால் பொலிசிடமிருந்து விடுதலையாகி மக்கள் மத்தியில் மீண்டும் சாதாரணமாக நடமாடுபோது நாம் இது பற்றி விவாதிக்கத் தொடங்கினோம்.
எனக்குத் தெரிந்த ஒரு தோழி "மனிதர்கள் ஒரு வயதினைத் தாண்டியபின்பு அவர்களுக்குள் பெரிய அளவில் மாற்றம் ஏற்படச் சாத்தியம் இல்லை என்றும் சிறுவர்களை நோக்கியே எமது கவனம் இருக்கவேண்டும்" என்றும் கூறுவா.
குறிப்பிட்ட வளர்ச்சியடையும் ஒரு பருவத்தில் பிள்ளைகள் தமது சொந்தக் கருத்துக்களில் சரியாகப் பதப்பட முன்னர் அவர்களை நல்ல கருத்துக்கள் நோக்கியோ மாறாகவோ கொண்டுசெல்லமுடியும் என்கின்ற நம்பிக்கை செந்தூரனுடன் ஆரம்பத்தில் கதைத்தற்கும் பின்னர் விவாதிக்கும்போது ஏற்பட்ட மாற்றங்களிலும் தெரிந்தது.
இவர் ஜேர்மன் மொழியில் எழுதிய கருத்தை கீழே தருகிறேன்.


-நிரூபா , 14.02.2005

உனது கருத்து
என்றும் ஒரு பகுதியை எனக்காக விட்டிருந்தார்.



Manmathan

Ich hasse diesen Film. „Manmathan“ heißt in Tamilisch, etwa „Play Bay“. In diesem Film geht es um einen Kriminalist, der in Universität lernt und gut die Frauen anziehen kann und dann vergewaltig die Frauen und bringt anschließend um.

Das schlimmste ist, er vergewaltigt und tötet die nur, weil sein kleinen Bruder von so einem Fall sehr betroffen worden war. Er wurde von einer Freundin betrogen. Er brachte seine Freundin um und der Junge, der mit ihr geschlafen hatte, auch um. Dann ging er zu seinem Bruder und erzählt alles und bracht er sich selbst um. Und als der große Bruder das sah platzte bei dem der Gehirnzelle und er brachte alle Frauen um, die Männer betrügen.

Er tötete immer mehr Frauen und irgendwann schnappte die Polizei ihn und erzählte alles was geschah aber zuletzt sagte er das sein Bruder alle Frauen getötet hat und nicht er.
Dann glaubten die Polizisten ihn 100 % und ließen ihn frei und er wollte trotzdem weiter machen. Der Kriminalist wollte immer noch betrügende Frauen unbedingt und herzlos weiter jagen.

Er meinte auch sehr streng, dass der Gott in seiner Seite steht und ihm hilft.

Meinung:


Er hat kein Recht so viele Junge Damen(Frauen) umzubringen. Nur weil sein Bruder davon beschädigt wurde, braucht er nicht jede Frau die ihren Verlobten oder ihren Mann betrügt umbringen. Erstens er hat kein Recht zweitens er braucht sich um diese Sache nicht zu kümmern.

Das ist auch eine harte Beleidigung für die Frauen.

Das ist etwas so als wollte er meinen, dass die Frauen mehr am schlimmsten sind, die Männer betrügen als die Männer, die Frauen betrügen. Der kleine Bruder von dem soll ja auch nicht so verknallt in dem Mädchen sein. Und er brauchte eigentlich auch nicht so wütend werden und die Freundin von ihm töten und auch den Typ, der mit seiner Freundin geschlafen hat töten. Nur weil sie ihn betrogen haben. Außerdem hat er kein Recht zwei Menschen umzubringen. Wenn es ihn nicht gefällt soll er ein anderen suchen.

Die Leute und Kinder sehen den Film und sagen das ist ein super Film aber sie wissen nicht was für ein schlimmer verbrechen in den Film drin ist.



மன்மதன்

இந்தப் படத்தை நான் வெறுக்கிறேன். மன்மதன் என்று தமிழில் பெயர் (பிளே போய்). இந்தப்படம் யூனிவசிற்றியில் படிக்கும் பெண்களை வசியம்செய்து றேப்பண்ணி முடிவில் கொலைசெய்யும் ஒரு குற்றவாளியைப் பற்றியது.

இதில் மிகவும் மோசமான விடயம் என்னவெனில் தனது தம்பிக்கு ஏற்பட்ட ஒரு சம்பவம் காரணமாவே பெண்களை றேப் பண்ணுவதும் கொலைசெய்வதுமாகும். அவரது தம்பி ஒரு காதலியால் ஏமாற்றப்படுகின்றாள். அதனால் அவர் தனது காதலியையும் அவருடன் படுத்த இளைஞனையும் கொல்கிறார். பின்னர் தமயனிடம் சென்று நடந்தவைபற்றி எல்லாவிடயங்களையும் சொல்லிவிட்டு தானும் தற்கொலைசெய்கிறார். தற்கொலை செய்வதினை பார்த்த அண்ணனுக்கு மூளைஅணுக்கள் வெடிக்கின்றன. அதன்பின்னர் அவன் ஆண்களை ஏமாற்றும் பெண்களைக் கொல்கிறான்.

மேலும் பல பெண்களை அவன் கொலைசெய்தபின் பொலிசால் பிடிபடுகிறான். தான் கொலைகளைச் செய்யவில்லையென்றும் தனது தம்பியே செய்ததாகவும் சொன்னபோது பொலிஸ் நூறுவீதம் அவனை நம்பி விடுதலைசெய்கிறது. தொடர்ந்து இந்தக் குற்றவாளிக்கு ஏமாற்றும் பெண்களை மனச்சாட்சியின்றி கொல்லுவதே நோக்கமாகும்.
தனது பக்கம் கடவுள் இருப்பதாகவும் தனக்கு உறுதுணையாக இருப்பாரென்றும் உறுதியாக நம்புகிறான்.


கருத்து:

அத்தனை இளம் பெண்களையும் கொல்லுவதற்கு அவனுக்கு உரிமையில்லை. தனது சகோதரன் ஏமாற்றப்பட்டதற்காக கணவரையோ அல்லது தான் மணந்துகொள்ளவிருக்கும் ஒரு ஆளையோ ஏமாற்றுவதனால் அந்த ஒவ்வொரு பெண்ணையும் கொல்தல் தேவையில்லை. ஒன்று அவருக்கு இப்படி நடந்துகொள்ள உரிமையில்லை. இரண்டாவது இந்த விடயத்தில் தலையிடத் தேவையில்லை.

இது பெண்கள்மீது செலுத்தப்படும் கடுமையான அவமதிப்பாகும்.
மேலும் பெண்களை ஏமாற்றும் ஆண்களைவிட ஆண்களை ஏமாற்றும் பெண்களே அதிகமென்றும் கருதுவதுபோலவும் தெரிகிறது.
அவருடைய தம்பியும் இவ்வளவு வெறியாக தனது காதலியில் இருந்திருக்கக்கூடாதுதானே. அவரும் இவ்வளவு ஆத்திரப்பட்டிருக்கத் தேவையில்லை அவவையும் அவருடன் படுத்த ஆளையும் கொண்டிருக்கவும் தேவையில்லை. அதுவும் அவர்கள் அவரை ஏமாற்றியது என்ற ஒரே காரணத்திற்காக! அவருக்கும் இரண்டு மனிதர்களைக் கொல்வதற்கு உரிமையே இல்லை. அவருக்குப் பிடிக்கவில்லையெனில் வேறு ஒருஆளைத் தேடியிருக்கலாம்தானே.

இந்தப் படத்தினைப் பார்த்து ஆட்களும் சிறுவர்களும் "சுப்பர்ப் படம்“ என்று கூறுகின்றனர். ஆனால் இந்தப் படம் எவ்வளவு குற்றச்செயலை உள்ளடக்கியுள்ளது என்று அவர்களுக்குத் தெரியவில்லை.



- செந்தூரன், 6.02.2005




26 Comments:

At 2:25 PM, Blogger -/பெயரிலி. said...

நான் இன்னும் இந்தப்படத்தைப் பார்க்கவில்லை. எல்லா மொழிகளிலும் இப்படியான படங்கள் வரவே செய்கின்றன; தமிழினைமட்டும் தனித்துப் பிரித்துச் சொல்லமுடியாது. ஆனால், பெரும்பாலான புலம்பெயர்தமிழர்கள் திரைப்படங்களின் குழந்தைமேலான அழுத்ததைப் பற்றிக் கவலைப்படுவதிலும்விட, வாழும் சமுதாயத்திலேயிருக்கும் இன்னொரு பண்பாட்டிலிருந்து வந்தவர்களோடு சேர்வதினாலே பிள்ளைகள் கெட்டுவிடுகின்றார்கள் என்று நம்புவது அதிகமென்று பார்க்கும்போது தோன்றுகின்றது.

 
At 3:56 PM, Blogger இளைஞன் said...

வணக்கம் நிருபா அக்கா,
உந்தப் படத்தை ஊடகங்களும் ஏதோ நல்ல படமெண்டு தூக்கு வச்சு ஆடுகினம். சாதாரண சனங்கள் அப்ப சுப்பர் படமெண்டுதானே சொல்லும். ஒரு லோஜிக் இல்லாத படம். கருத்து ரீதியாக முரண்பாடு இருந்தாலும் அதில் நியாயம் இருந்தால் பாராட்டலாம். இதில் ஒன்றுமே இல்லை. இதை ஹீரோயிசம் எண்டு தூக்கி வச்சு ஆடுறவையை இன்னும் மூளை வளர்ச்சியடையாதவர்கள் என்று சொல்லலாமா? அல்லது இன்னும் மனிதராக பரிணாம வளர்ச்சி பெறாதவர்கள் என்று சொல்லலாமா?

வலியப் போய் பெட்டையளோட உவர் உறவுகொள்ளுவார், உறவு கொண்டிட்டு அவையளக் கொல்லுவார். உவர ஆர் கொல்லுறது?

கருத்துச் சொன்ன சின்னப் பெடியனுக்கு இருக்கிற அறிவு வளர்ந்தும் வளராமல் இருக்கிற பெருசுகளுக்கு இல்லை.

 
At 6:23 PM, Blogger ROSAVASANTH said...

இங்கே வலைப்பதிவிலேயே, முதிராமை போன்ற காரணங்கள் இல்லாமல், மன்மதன் படம் சுயநினைவுடன் நியாயபடுத்த பட்டதை கவனிக்க வேண்டும். 'குற்றவாளி தண்டனி பெறவேண்டும் என்றெல்லாம் நியாயம் கற்பித்து முடிக்காதது சிறந்தது' என்று விமரசனமே வந்துள்ளது. இவர்களிடம்(இன்னொருவர் பெயர் கொஞ்சம் சந்தேகம், ஒருவர் பெயர் மீனாக்ஸ்) வெளிப்படும் நோய்கூறு மனநிலை சிம்புவின் பார்வையைவிட மோசமானது.

இதில் வேறு சிலர் 'பரபரப்பையும் கவனைத்தையும் பெற ஆண்குறியை வெட்டவேண்டும்' என்று எழுதுவதாக எழுதியிருந்தார்கள். ஒரு பேச்சுக்கு அப்படியே வைத்து கொள்வோம். அதாவது வலைப்பதிவில் படிக்கும் சுமார் 100பேரின் கவனத்தை கவர அப்படி தலைப்பு வைத்ததாக வைத்துகொள்வோம். ஆனால் அப்படி எழுதுபவர்களுக்கு, ஒரு படம் ஓடவும் பணம் பண்ணவும் பெண்களை கொல்லவேண்டும் என்ற கருத்தை தர்மமாய் வலியுறுத்தும் படத்தை விமர்சனமாய் சொல்ல எதுவும் இல்லை. (படத்தை பற்றி விமர்சனமாய் எழுதிய சிலரும், இந்த பிரச்சனையை விட்டுவிட்டு நடிப்பு போன்ற மற்றதையே விமர்சித்திருப்பதை கவனிக்க வேண்டும்.)

என்னை பொறுத்தவரை நோய் சிம்புவைவிட இவர்களிடமே உள்ளது. சிம்புவிற்கு படம் ஹிட்டாவதும் பணமுமே முக்கியம். ஒருவேளை 'ஆண்களை ஏமாற்றி பெண்கள் கொல்வதை' வைத்து கதை எழுதினால் ஓடும் என்றால் அதை கூட அவர் எடுக்க கூடும். உண்மையில் அவர் கருத்து கூட வேறாக இருக்கலாம். நமது பாதி நட்டிகர்களும், இயக்குனர்களும் தங்கள் பார்வைக்கு மாறாகவே நடிக்கிறார்கள். அதனால் நோய் வலைப்பதிவிலும் மற்ற இடத்திலும் படத்தை பாராட்டியோ விமர்சனமில்லாமலோ சுய நினைவுடன் எழுதியவர்களிடமே உள்ளது. அதில் சிலரின் குறியை அறுப்பதே சரியாக இருக்கும் என்று தோன்றுகிறது.

 
At 8:26 PM, Blogger ஈழநாதன்(Eelanathan) said...

வணக்கம் நிரூபா தோழியர் வலைப்பதிவில் ஒருமுறை வெளிவந்த சுனைக்கிறது கதையை எழுதியவர் நீங்கள்தானா?

 
At 2:59 AM, Blogger Chandravathanaa said...

This comment has been removed by a blog administrator.

 
At 3:39 AM, Blogger Chandravathanaa said...

மன்மதன் படத்தை இதுவரை நான் பார்க்கவில்லை. இனியும் பார்க்கும் எண்ணம் இல்லை.
நிருபாவின் பதிவில் வந்ததால் அதுவும் இப்படம் பற்றி ஒரு 12வயதுச் சிறுவன் சொல்ல வாசித்தேன்.

கிட்டதட்ட இதே போன்ற கருவைக் கொண்ட ஒரு படத்தை சில வருடங்களுக்கு முன்னர் பார்த்த ஞாபகம். கமலகாசன் நடித்த சிவப்புரோஜா என நினைக்கிறேன். அதிலும் அவர் இது போன்றதான மனநிலையில் பெண்களைக் கொல்கிறார்.

மன்மதன் படத்தையே பார்க்காமல், அது பற்றிய இது தவிர்ந்த வேறு எந்த விமர்சனத்தையும் வாசிக்காமல் படம் பற்றிய எந்தக் கருத்தையும் என்னால் சொல்ல முடியாது.

ஆனால் ஒரு படம் மக்களிடையே அங்கீகாரத்தைப் பெறுவதற்கு பல காரணங்கள் இருக்கின்றன.
கரு உதவாததாக இருந்தாலும், நடிப்பு, எடுத்த விதம், அமைந்த பாடல்கள், இருந்து பார்த்த அந்த இரண்டரைமணி நேரத்துள் மனதை அது ஆட்கொண்ட வீதம்... என்று பல.

 
At 5:14 AM, Blogger ROSAVASANTH said...

//கமலகாசன் நடித்த சிவப்புரோஜா என நினைக்கிறேன். அதிலும் அவர் இது போன்றதான மனநிலையில் பெண்களைக் கொல்கிறார். //

சிகப்பு ரோஜாக்கள் படத்திற்கும் மன்மதன் படத்திற்கும் முக்கியமான வித்தியாசம் இருக்கிறது. முதலாது ஒரு மனநிலை பிறழ்வதன் பிரச்சனை. மன்மதன் படத்தில் சுயநினைவுடன், கொலை செய்வதற்கான ஒரு நியாயம் கற்பிக்கப் பட்டு அவை நிகழ்த்தபடுகின்றன. இன்னும் சில வித்தியாசங்களும் உன்டு.

 
At 4:42 PM, Blogger நிருபா said...

பெயரிலி!
எல்லா மொழிகளிலும் இப்படியான படங்கள் வருகின்றன. இங்கு ஜேர்மனியைப்பொறுத்தவரை ஒவ்வொரு வயதிற்கேற்றபடியே தியேட்டர்களும் பிள்ளைகளை அனுமதிக்கின்றன. அல்லது அனுமதி செய்யாமல் இருக்கின்ற. மன்மதனை இந்திய தியேட்டர்களில் பால்குடிப் பிள்ளைகளிலிருந்து அனைவரும் பார்த்திருப்பார்கள் என்றே நினைக்கிறேன். எனக்கு தெரிந்த தமிழர்கள் அல்லாத சுற்று வட்டாரங்களில் படங்களை பிள்ளைகளுடன் பார்க்கும்போது முழுக்க முழுக்க இல்லாவிட்டாலும் ஒரளவேனும் எத்தனை வயதுப்பிள்ளைக்கு ஏற்றபடம் என்று பார்த்துத்தான் அனுமதிக்கிறார்கள். இது பற்றிய சிறுதுளி விழிப்புணர்வு, யோசனைகூட எமது தமிழ் மக்களுக்கு இல்லையா என்று நாம் பழகும் ஆட்களைப் பார்க்கும்போது தோன்றுகிறது. இதற்குக் காரணம் ஒன்று அறியாமையாக இருக்கலாம். வன்முறை மற்றும் பெண்கள்மீதான கேவலமான கருத்துக்கள் இதுபற்றிய விளைவுளை சரியாக உணர்ந்துகொள்ளாத தன்மை, அலட்சியத்தன்மை ஒரு காரணமாக இருக்கலாம். மற்றது பிள்ளைகளுடன் ஆக்கபூர்வமாக ஏதாவது செய்யாமல் நேரம் கடத்துவதற்காக படங்களைப்போட்டு இருத்திவிடுவது. “குழப்படி” செய்யும் பிள்ளையையும் இப்படி ஒரு இடத்தில் இருக்கவைக்கலாம் என்று நம்புகின்றனர்.
இந்த நேரத்திற்கு சக மாணவர்களான ஒரு ஜேர்மன் அல்லது வேறு நாட்டுப் பிள்ளைகளுடன் விளையாடுவது அல்லது ஒரு சிறுவர்களுக்கான படத்தைச் சேர்ந்து பார்ப்பதை இன்னொரு நாட்டு “வெள்ளையின்ரையோ” “துருக்கியின்ரையோ” “ஊத்தைப்பழக்கங்களைப்” பழகுவதிலும்பார்க்க தழிழ்ப்படங்களைப் பார்ப்பதே மேல் என்று கருதுகிறார்கள். இன்னமும் எவ்வளவு குறிகிய வட்டத்தினுள்ளும் அறியாமையிலும் எமது மக்கள் வாழ்கிறார்கள் என்பதனையே இது எடுத்துக்காட்டுகின்றது.

இளைஞன்!
இது எமது சமூகம் பெண்கள் பற்றிய அவர்கள் மீது செலுத்தப்படும் வன்முறை பற்றிய உரிமை மறுப்புப் பற்றிய விடயங்களில் எவ்வளவு பின்தங்கியுள்யது என்பதையே எடுத்துக்காட்டுகின்றது. கவலையாக இருக்கிறது. இன்னும் விழிப்புணர்வுடன் இருக்கத்தோன்றுகிறது.

றோசா வசந்!
சிறுவனுடன் மன்மதனைப் பார்க்கும் சந்தர்ப்பம் கிடைக்காவிட்டிருந்தால் உங்கள் விமர்சனம் பற்றியும் அறியாமல் விட்டிருந்தால் இந்தப் படத்தினை ஒரு பொருட்டாகவே எடுத்திருக்கமாட்டேன். ஓன்று இரண்டு என்று எண்ணிப் பார்க்கக்கூடிய சில படங்களைத்தவிர ஏனைய தமிழ்ப்படங்களெல்லாம் கோளாறு கொண்டவையே.
எவ்வளவு கொடுமையாகதானவிருந்தும் இறுதியில் மன்மதன் செய்வது பிழையே என்று காட்டப்பட்டிருந்தால் சிறிதாவது சகித்திருக்கமுடியும்(சிகப்பு றோஜாவின் முடிவு ஞாபகம் இல்லை) இதில் ஆபத்து என்னவென்றால் நடந்த கொடுமைகளைப் பார்த்ததில் உணர்வுரீதியாகவும் உடலியல் ரீதியாகவும் மன்மதன் தன்னைக் கட்டுப்படுத்த முடியாமல்(செந்தூரன் எழுதியதுபோல் மூளை அணுக்கள் வெடித்து) செய்கிறார் என்பதுவும் கடைசிவரையில் சரியென்று நியாயம் கற்பிற்பதுவும். இது மிகவும் ஆபத்தான கருத்து. இங்கு ஐரோப்பாவைப் பொறுத்தவரையில் சிறுமிகளையும் பெண்களையும் பாலியற் வன்முறை செய்து சாகடிக்கும் பல ஆண்கள் உளவியற் பாதிப்பிற்குள்ளானவர்கள் என்று ஊடகங்களில் காட்டுவதுடன் அவர்களுக்குத் தண்டனைக் குறைப்பும் செய்யப்படுகின்றன. இப்படியாக செயல்களும் முடிவுகளும் மேலும் மேலும் ”கொல்லத்தூண்டும்” பெண்கள்மீது வன்முறை செய்யத்தூண்டும். உளவியற் பிரச்சனை என்பது இங்கு ஒருவகையில் பாதுகாப்பாக அமைந்துவிடுகின்றது.
கொலைக்குக் கொலை அல்லது நீங்கள் சொல்வதுபோல் அறுப்பது என்று வெளிக்கிட்டால்..........நினைத்தே பார்க்கமுடியவில்லை! ஆதி மனிதர் “காட்டுமிராண்டித்தனமானவர்கள்” என்றால் நிறைய “வளர்ச்சியடைந்ததாகச்” சொல்லும் நாம் “நாட்டுப் பிராண்டிகளா” என்ன?

ஈழநாதன்!
தோழியரில் „வந்தவர் வருவாரா“(தற்சமயம் முழுமையாக இல்லை) சிறுகதை வெளியிடப்பட்டதுதான் தெரியும். „சுணைக்கிது“ பெட்டைக்குப் பட்டவை புளொக்கில் வெளிவந்தது. இரண்டு சிறுகதைகளும் என்னால் எழுதப்பட்டவைதான்.

சந்திரவதனா!
„கம்பன் ஏமாந்தான்……...“ என்கின்ற பாடலின் ராகம் எனக்கு சிறுவயதிலிருந்து பிடிக்கும். பெண்களுக்கு எதிரான கருத்துக்கள் இருக்கென்று தெரிந்தபின்னர். விரும்பிக்கேட்பதில்லை. அண்மையில் ரேடியோவில் கேட்டபோது எனைமறந்து சேரந்து பாடினேன். குறிப்பாக இந்த வரிகளை „ஆத்திரமென்பது பெண்களுக்கெல்லாம் அடுப்படிவரைதானே.....“ பின்னர் எனக்குள் வெட்கமாக இருந்தது. என்னைக் மயக்கியது என்ன?
நல்ல நடிப்பும் பாடல்களும் இல்லாமல் போயிருந்தால் இன்றுவரை நிறைய தமிழ்ப்படங்கள் நாறியிருக்கும். நீங்கள் சொன்ன விடயங்களின் திறமைகளைக்கொண்டு ஆட்கொள்ளவைக்கிறார்கள். இதனூடாக கீழ்த்தரமான கருத்துக்களை மக்களுக்குள் விதைக்கிறார்கள். இதுவே அவர்களின் வெற்றியாகவும் இருந்துவிடுகின்றது. செந்தூரன் அடிக்கடி வாயோயாமற் சொன்னது சிம்புவின் நடிப்புப்பற்றி. குறிப்பாக கடைசியில் எல்லாரையும் ஏமாற்றும் கிரிமினல் தான் எவ்வளவு கெட்டிக்காரன் என்பதை முகபாவத்தால் காட்டும் ஒரு காட்சி!நன்மை தீமைகளை சரியாக பிரித்தறியமுடியாத வயதில் இந்த விடயங்கள் மனதில் பதிந்துவிடும் ஆபத்துக்கள் உள்ளன.
என்னைப் பொறுத்தவரையில் கருவைச் சரியாகக் கொண்டிராத படம் எவ்வளவு ஏனைய விடயங்கள் திறமாகச் செய்யப்பட்டிருந்தாலும் நல்ல படமேயில்லை.

படங்களில் சித்தரிக்கப்படும் விடயங்கள் பெரும்பாலும் கற்பனையானவைகள் அல்ல. எமது சமூகத்தில் உள்ள குறைபாடுகளின் பிரதிபலிப்புக்களே!

கருத்துக்களை முன்வைத்த அனைவருக்கும் நன்றிகள்.
-நிரூபா-

 
At 5:14 PM, Blogger வசந்தன்(Vasanthan) said...

சிகப்பு ரோஜாக்களில் கமல் பெண்களைக் கொல்கிறார் அவ்வளவே. தவறு செய்யும் பெண்களை என்று குறிப்பிட்டுச் செய்யவில்லை. அதற்குக் காரணமாகக் காட்டப்படுவது தான் தவறுசெய்த தவறு செய்த பெண்கள் சிலரால் கமலுக்கு ஏற்பட்ட அனுபவம் என்று சொல்லப்படுகிறது. அவர் மனநிலை பாதிக்கப்பட்டவராகக் காட்டப்பட்டு இறுதியில் சட்டத்தின்முன் நிறுத்தப்பட்டு தண்டனை அனுபவிக்கிறார். என்னைப்பாதித்தது என்னவென்றால் அந்தக் கமலுக்காக சிறிதேவி காத்திருப்பதுதான். (வழமையாக தமிழ்ப்படங்களில் வருவது தானே). உண்மையில் மன்மதனுக்கும் சிகப்பு ரோஜாக்களுக்கும் வித்தியாசங்கள் உள்ளன.
அன்புடன் வசந்தன்.

 
At 8:06 PM, Anonymous Anonymous said...

This comment has been removed by a blog administrator.

 
At 10:06 PM, Blogger தான்யா said...

மன்மதன் (playboy) என்ற பெயரே அவர் சொல்லும் கருத்தை பாரபட்சமான கருத்தாகக் காட்டுகிறது. ஓர் ஆண் பெண்களை சுற்றித் திரிவதை மன்மதன் என்பார்கள் அதை தலைப்பாக வைத்துக் கொண்டு அதையே பெண் செய்கையில் வரிந்து கட்டிக் கொண்டு கொலை செய்கிறார். என்ன லாயிக்கோ? புரியவில்லை.

 
At 7:02 AM, Blogger கறுப்பி said...

கார்த்திக் தங்களுக்கு என்ன புரியவில்லை என்பது எனக்குப் புரியவில்லை. புலம்பெயர்ந்த சிறுவர் சிறுமியர்களுக்கு “தவறான பெண்” என்று அகராதியில் இருக்க இடமில்லை. அதாவது இங்கு கலாச்சாரம் அப்படியாக உள்ளது. எங்கட ஊரிலிருந்து அண்மையில் வந்தவர்களுக்கு வேண்டுமானால் அப்படியான சிந்தனைகள் இருக்கலாம். காதலர்களை அடிக்கடி மாற்றிக் கொள்வது என்பது இங்கு சகஜம் (எங்கள் இளையவர்களையும் சேர்த்துத்தான் சொல்கின்றேன்) தமக்கான சரியான ஜோடியை கண்டு கொள்ளுமட்டும் பலரை “டேற்ரிங்” இற்கு அழைத்துச் செல்வது இங்கே சகஜம். இந்த நிலையில் வளரும் எமது குழந்தைகள் ஒரு பெண் பல ஆண்களுடன் பழகுவதை “தவறான பெண்” என்று கணிக்கப் போவதில்லை. அனேகமான சிறுவர்களுக்கு ஆண்கள் பெண்கள் என்ற பேதம் இல்லை (Thank God) இதனால் “மன்மதன்” திரைப்படத்தில் சிம்பு தவறான பெண்களைக் கொல்லுகின்றான் (கொலை நேரடியாகக் காட்டப்படாத பட்சத்திலும்) என்ற லாஜிக் விஜய்யும் அஜித்தும் தவறானவர்களை அடித்துக் கொட்டுவதிலும் பார்க்கத் தாக்கப் போவதில்லை என்பது தான் என் கருத்து.

மேலும் ஈழத்து அபாயம் என்று காரணமில்லாமல் தாவினதாக தாங்கள் எண்ணி விட்டீர்கள். நிருபா “மன்மதன்” திரைப்படத்திற்கு வைத்த விமர்சனமே புலம்பெயர் குழந்தை ஒன்று இப்படத்தைப் பார்பதனால் ஏற்படப்போகும் தாக்கம் பற்றியது எனும் போது இந்திய கீழ்த்தரத் தமிழ் திரைப்படங்களால் ஏற்படப்போகும் பாதிப்பை விட எமது மக்கள் “கட்டாயம்” என்பதாகவும் தமது தமிழுக்கும் நாட்டுக்கும் சாதகமாகச் செய்வதாக எண்ணித் தமது குழந்தைகளுக்கு பாடல்கள் பேச்சுப் போட்டிகள் நடனங்கள் மூலம் வன்முறையைக் கற்றுக் கொடுக்கின்றார்கள். இங்கே பிறந்து வளரும் ஒரு குழந்தைக்கு துவக்குத் தூக்கு என்று பெற்றோரும் தமிழ் ஆசிரியர்களும் கற்றுக்கொடுக்கும் போது அந்தக் குழந்தை துவக்குத் தூக்கப் போவது தான் வாழும் புலம்பெயர்ந்த நாட்டில் தான். அதன் பின்னர் தமிழ் திரைப்படங்களில் வரும் வன்முறையைப் பார்த்து விட்டு எமது பிள்ளைகள் துவக்கைத் தூக்குகிறார்கள் என்பது வெறும் அபத்தம்.

“மன்மதன்” மிகவும் தரமற்ற ஆனால் அதிகம் வன்முறையைக் கொண்ட படமல்லை. கரு தவறானது கீழ்த்தரமானது அது எமக்கு. பெண்ணியம் பேசுபவர்களுக்கும் முற்போக்குச் சிந்தனை கொண்வர்களுக்குமே. “மன்மதன்” திரைப்படம் குழந்தைகளுக்குப் பாதிப்பைக் கொண்டு வரும் என்பது என்னைப் பொறுத்தவரை ஏற்றுக் கொள்ள முடியாமல் இருக்கிறது.
இப்படியான ஒரு கீழ்த்தரமான திரைப்படத்தை கமலஹாசனோ இல்லை பாலுமகேந்திராவோ தந்திருந்தால் நாம் சீறிப்பாயலாம். இது சிம்புவினுடையது. தனது பெயருக்கும் இருப்பிற்கும் அலட்டிக் கொள்ளும் (முதலில் சுப்பர் ஸ்டார் என்று வந்து விட்டு தற்போது மெல்ல கமலை கொப்பி அடிக்கும்) ஒரு இளைஞனின் திரைப்படத்தில் லாஜிக்கைத் தேடினால் தவறு எங்களுடையதே.

 
At 7:45 AM, Blogger வசந்தன்(Vasanthan) said...

//இப்படியான ஒரு கீழ்த்தரமான திரைப்படத்தை கமலஹாசனோ இல்லை பாலுமகேந்திராவோ தந்திருந்தால் நாம் சீறிப்பாயலாம். இது சிம்புவினுடையது.//

ஒரே வர்த்தக சூழ்நிலையில் சிலர் மட்டும் தவறில்லாமல் நல்ல படம் தரவேண்டும், மற்றவர்கள் எப்படி தந்தாலும் பிரச்சினையில்லையென்பது சரியாகப்படவில்லை. சினிமா படம் மூலம் தாக்கமேதும் சமூகத்தில் நிகழுமென்றால் அது கமல் படம் பாலு படம் பிறர் படம் என்று பேதம் பார்த்து இருப்பதில்லை.

 
At 7:59 AM, Blogger கறுப்பி said...

வசந்தன் (பாலுமகேந்திராவை விடுத்து) தரமான மற்றும் சமூகத்திற்கு முற்று முழுதாக நல்லதைச் சொல்லும்ää மக்களைச் சிந்திக்க வைக்கும் ஒரு தமிழ்த் திரைப்படத்தைக் குறிப்பிடுங்கள். நான் “மன்மதனை” மட்டும் ஏன் சாடுகிறீர்கள் என்ற எனது வாதத்தை வாபஸ் வாங்கிக் கொள்ளுகின்றேன். (பாலுமகேந்திரா கூட தற்போது தனது படங்களில் ஒரு கவர்ச்சியான பாடல் காட்சியைப் புகுத்தும அளவிற்கு தமிழ் சினிமா உலகம் உள்ளது eg:- ஜூலி கணபதி

 
At 8:19 AM, Blogger தான்யா said...

This comment has been removed by a blog administrator.

 
At 8:27 AM, Blogger தான்யா said...

கறுப்பி!
கனேடிய உயர் பாடசாலைகளில் படித்த பிள்ளைகளுக்குத் தெரியும் பெண்களை எவ்வளவு கேவலமாய் நீங்கள் சொல்லுகிற இங்கையே வளர்ந்த ஆண்பிள்ளைகள் நடத்துகிறார்கள் எண்டு. இதே அமர்க்களம் வந்த நேரம் அஜித் மாதிரி ரவுடி கலாச்சாரமும் அவர்களை திருமணம் செய்கிற கலாச்சாரமும் வந்தது. எனக்குத் தெரிந்து பிள்ளைகளை பாதிப்பது அதிகம் சினிமா தான். எத்தனை பொடியன்கள் தங்கள் காதலிகளை BITCH என்று திட்டுகிறார்கள். இதெல்லாம் இந்தச் சூழலில் நடந்து கொண்டிருக்க நீங்கள் எந்தச் சூழலில் இருந்து விமர்சிக்கிறீர்கள் என்று தெரியவில்லை. இது ஆண்களை ஒருமாதிரியும் பெண்களை இன்னொரு மாதிரியும் பாதிக்கிறது. இப்படி அடிதடி ரவுடி தான் ஒரு வீர ஆண்மகன் என்கிற விம்பத்தையும் பெண்குழந்கைளிடத்தில் உண்டுபண்ணுகிறது. ‘தற்பொழுது வந்தவர்களைப்’ (new comers) பற்றிய உங்கள் பார்வை bias ஆனது என்றே தோன்றுகிறது. உங்கள் தனிப்பட்ட தளங்களில் இருக்கும் சுதந்திரத்தை பரவலாக போடுவது சரியான பார்வையாகாது. ஓரு பதினொரு வயது பெண்ணை மாயாவில் 'உடலுறவு' கொண்டதாக எழுதும் உங்கள் புரிதலை விளங்க வைப்பது எனது நோக்கமல்ல. அது ஒரு வன்புணர்ச்சி என்றே எழுதப் பட வேண்டும். இந்த மாதிரி மாற்றங்களும் எங்கள் மத்தியில் எப்போதோ வந்துவிட்டது. அதிக காலமாக மிக முற்போக்குத் தனமாய் வாழ்வதால்
உங்களால் புரிந்து கொள்ள முடியவில்லைப் போலும். இது நேற்று இன்று மாறுகிற விடயமல்ல இது தொடர்ந்து இருந்து வருகிற ஒரு விடயம். இதைப் போய் எங்களுக்கு தெரியாத இடத்தில் இருந்து 'பொதுவாக' விமர்சிப்பது சரியல்ல. அப்போ பாரபட்சமே இல்லாத குழந்தைகளாலும் பெரியவர்களாலும் உங்களை புரிந்து கொள்ளுகிற பட்சத்தில் எதற்காக பெண்ணியம் பேசுகிறீர்கள்

 
At 9:08 AM, Blogger கறுப்பி said...

Sorry No comment for you Thanya

 
At 9:28 AM, Blogger KARTHIKRAMAS said...

அழகியலுக்கு முக்கியத்துவம் கொடுக்கப்பட்டு , குரூரமான கருத்தாக்கத்தை பரப்புவது, அது பரப்படுவத்ற்கு அனுமதிக்கும் சமூகம் அதன் கோளாறுகள் என்றுதான் நான் நிருபமாவின் பதிவை வாசித்து புரிந்து கொண்டேன். அல்லது அதற்குத்தான் முக்கியத்துவம் கொடுக்கவேண்டும் என்று எண்ணுகிறேன். தமிழகத்தில் இது ஏற்படும் தாக்கங்களும் புலம் பெயர் சூழலிலே இது ஏற்படும் தாக்கங்களும் வேறு வேறு அளவில் இருப்பதை குறித்து நீங்கள் சிந்திக்கிறீர்கள். நான், இது போன்ற்
கருத்தை செய்வதும், அது சூழலிலே வெற்றிப்படமாகி ஒட்டுவதும் குறித்துச் சிந்திக்கிறேன், உங்களையும் சிந்திக்கசொல்கிறேன். இப்படி ஒரு குரூரமான திரைப்பட வன்முறையை, ஈழ விடுதலை முழக்கங்களோடு நேரடியாய் எதிர்மறையாய் பார்த்து கருத்து சொல்ல முடியாது. முன்னதின் காரண காரியம் வேறு. பின்னதிற்கு இருக்கும் அவசியம் வேறு; அது வெளிப்படும் மனங்களின் ஆதங்கங்கள் வேறு. [அதற்காக "கொல் " என்ற பாடலையும் அதன் வன்முறையும் அங்கீகரிக்கரிக்கிறேன் என்று தவறுதலாக புரிந்துகொள்ளமாட்டீர்கள் என்று நம்புகிறேன் ]

நான் முழுக்க யோசிப்பது, எதிர்மறையாய் , இப்படி பலவந்தம் செய்த ஆண்களை ஒரு பெண் கொலை செய்வதாய் ஒரு படம் வெகு ஜன் தளத்திலே எடுக்க முடியுமா? அது வெற்றிப்படம் ஆகுமா என்பது குறித்து. அதற்கான காரணிகள் குறித்து. இப்படி யோசித்தால் நான் சொல்லவருவது புரியும் என்று நினைக்கிறேன்.

///“மன்மதன்” மிகவும் தரமற்ற ஆனால் அதிகம் வன்முறையைக் கொண்ட படமல்லை. கரு தவறானது கீழ்த்தரமானது அது எமக்கு. //
நீங்கள் இப்படி முதல் முறையாய் எழுதியிருப்பது லேசாய் ஆறுதல் அளிக்கிறது.

புலம் பெயர் சூழலில் இது ஏற்படுத்தும் தாக்கம் குறைந்தது என்பதால் இந்தக் கரு எந்த விதத்திலும் நியாயப்படுத்தமுடியாது என்பது மட்டுமே சொல்ல விழைந்தது.

னீண்ட பின்னூட்டத்துக்கு நன்ற

 
At 6:12 PM, Blogger raji said...

Republishing from karubi's blogg spot
தவறுக்கு வருந்துகிறேன். நான் இந்தத் பத்தி எழுத்துக்கு புதியவள் என்பதனால் எப்படி எனது பெயரை எனது செய்தியுடன் வரச்செய்வது எனத்தெரியாமல் பதிவு செய்ததால் முதலில் அனேனி;மஸ் என வந்து விட்டது. சிரமத்துக்கு மன்னிக்கவும்.

‘தவறான பெண்கள்’ என்ற தொடர் மேற்கத்திய கலாச்சாரத்தில் வாழும் குழந்தைகளுக்கு விளங்காது என்று குறிப்பிட்டிருந்தீர்கள். அப்படியாயின் வட அமெரிக்க கொலிவூட் பட கலாச்சாரத்தில் வாழும் அந்தப் பிள்ளைகளுக்கு விடுதலைப் பாடல்களில் இருந்துதான் துப்பாக்கியின் அறிமுகம் வரவேண்டுமா. அதைவிட விடுதலைப் பாடல்கள் எழுதப்பட்ட இடம் காலம் (செற்றிங் அல்லது ரேக்கிங் பிளேஸ்) மற்றும் காரணம் என்பன புரியாத முட்டாள்கள் என்றா அந்தக் குழந்தைகளை நீங்கள் கருதுகிறீர்கள். கொலிவூட் படங்களில் வட அமெரிக்க செற்றிங் அல்லது ரேக்கிங் பிளேஸ் இலேயே துப்பாக்கியைத் தூக்கிக் காட்டுவதை விடவா தற்காப்பு நோக்கம் கொண்ட விடுதலைப் பாடல்கள் சிறுவர்களைத் தூண்டப் போகிறது. நாகரிக மோகம் தமிழ் சினிமாவில் இருந்தும் கூட பெரும்பாலான மேற்கத்திய தமிழ் சிறார்கள் கொலிவூட் பட பாணியை மற்றும் இசையைத்தான் பின்பற்ற விரும்புகிறார்கள். எடுத்துக்காட்டு கறுப்பினத்தவரின் தலைவெட்டு நடை உடை பாவனை மற்றும் ரொக் ரெக்கே போன்ற கறுப்பின மற்றும் மேற்கத்;திய பாடகர்களின் இசை. அதிலிம் கொலிவூட் படம்கள் மற்றும் மேற்கத்திய இசை என்பன அவர்களி;ன் இலகு மொழியான ஆங்கிலத்தில் இருக்கின்றன. அதைவிடவா அவர்களின் இரண்டாம் மொழி தமிழில் வரும் விடுதலைப் பாடல்களில் இருந்து துப்பாக்கி தமிழ் சிறார்களுக்கு அறிமுகப் படுத்தப்படுகிறது. ஆகவேதான் கூறினேன் உங்களின் அறிவுக்கும்; மூழைக்கும் எட்டிய எல்லைக்குள்ளே உள்ள விடயங்களுக்கு மட்டும் (விகாரமான பாலியல் உறவு மற்றும் சினிமா) உங்கள் கருத்தைத் தெரிவியுங்கள். அப்படியில்லாமல் ஆழமான விடயங்களை பற்றிக் கருத்துத் தெரிவித்தீர்களெனின் குழப்பம்தான் மிஞ்சும். இதில் வரும் பாலியல் என்ற சொல்லுக்காக மட்டும் நாகரிகமாக எழுதவில்லை என்று காரணம் காட்டி இந்த செய்தியை நீக்கிவிடாதீர்கள் இச் சொல் சாதாரண சொல்என உங்களுக்கே தெரியும். அதைவிட உங்களை நேரடியாகத் தாக்கியதையும் காரணம் காட்டாதீர்கள் எனனெனில் ஜெயமோகன் மற்ற எழுத்தாளர்களை ஆழமற்ற எழுத்தாளர் என்று சொல்வதை விட நான் ஒன்றும் பெரிதாக சொல்லிவிடவில்லை. இதையும் மீறி இந்த செய்திக்கு பதில் தராமல் செய்தியை நீக்கினால் அதற்குப் பொருள் நீங்கள் விமர்சனத்துக்கு முகம் கொடுக்கப் பயப்படுகிறீர்கள் என்பதேயாகும்

Thanks: blogg spot of Karubi

 
At 5:04 PM, Blogger ஒரு பொடிச்சி said...

“…என்று மீண்டும் என்னை வம்புக்கிழுக்கும் நோக்கத்துடன் (நேரத்தை எங்காவது பிரயோசனப்படுத்தலாமே) எனது தளத்தில் எழுத நான் அவர்கள் கருத்துக்கு பதில் எழுத விருப்பமில்லை என்பதை ஜாடையில் கூறியிருந்தேன். ஆனால் அவர்கள் விடுவாதாய் இல்லை. அவர்கள் எழுதியதில் இருக்கும் பூடகம் சாதாரணமாக வாசிக்கும் வாசகர்களுக்குப் புரியாது. எனக்கு இவர்களை நன்கு தெரிந்ததால் மீண்டும் கூறினேன் வம்பு வேண்டாம் என்று.”
-Karuppi

இந்த விமர்சனம் என்னைப் பற்றியதாக ‘இருக்கலாம்’ என்கிற அடிப்படையில் இதுகுறித்த எனது அபிப்பிராயத்தை –தரவேண்டியதன் கட்டாயம் கருதி- இங்கே பதிகிறேன். இது எனக்காக ‘இருக்கலாம்’ என நான் ‘ஊகிக்க’ காரணங்கள்:
(1) உங்களது தளத்தில் எழுதிwவள் என்கிற அடிப்படையில், நீங்கள் 'சாடைமாடையாக' கூறியது “Podichi - No comments for you“ ஆக இருக்கும்பட்சத்தில் (அதைப் பற்றிய எனது எண்ணம்: நான் எழுதியதற்கு நீங்கள் என்ன பதில் எழுதிவிடமுடியும்?! ஓன்றில்- எதிர்ப்பது இரண்டு- அது உண்மை என்பதை ஏற்றுக்கொள்வது 3 –clever ஆய் no comments என்பது. நீங்கள் மூன்றாவதைச் செய்தீர்கள்! இதைவிட பதில் எனக்கென்ன வேணும்?!) இது என்னைப் பற்றியதாக இருக்க வாய்ப்பிருக்கிறது. இந்த ‘இருக்கலாம’ ‘வாய்ப்பிருக்கிறது’ இவைக்குக் கீழே பேச/விவாதிக்க எனக்கு ஆர்வமில்லைத்தான். அதனால்தான் மனுஷ்யபுத்திரன் தளத்தில் ஒருவர் நான்-பெயரிலி-தோழன் இன்ன பிற பலர் எல்லாம் ஒன்று என்று போட்டது தொடர்பாயும் என்ன எழுதுவதென்று எனக்கு ஒன்றும் தோன்றவில்லை. மேலோட்டமான பார்வையாளர்களுக்கு எல்லாம் ஒன்றாகத்தான் இருக்கும். ஆனால் என்னில் பெயரிலியும் நான் பெயரிலியிலும் முரண்படுகிற பக்கங்கள் இருக்கலாம். மேலோட்டமான பார்வையாளர்களுக்கு அவை குறித்து அக்கறையில்லை. ஒன்றும் ஒன்றும் ரெண்டு என்றுவிட்டு போய்க்கொண்டே இருக்கிறார்கள். Guess பண்ணுவதில்தான் அவர்களது ஆர்வம்!

(2) நேசகுமார் = சூர்யா பற்றி எழுதிய (நீங்கள் சகோதரிகள் என குறிப்பிட்டிருக்கிறீர்கள்) ‘பெண்’ (இணையத்தில்) நான்தான். இது என்னைக் குறித்ததுஎன்றால் அதை எழுதுவதை விடுத்து இது என்ன விதமான தாக்குதல்?

இந்த உங்களுடைய கிசுகிசுப் பாணி எழுத்து ‘ஊகங்களை’ கிளப்பவே வாய்ப்புத் தருகிறது. மாறாய் நீங்கள் எழுதுகிறவர்களுக்கு எந்த நியாயத்தையும் செய்யவில்லை. நீங்கள் விரும்பியமாதிரி அவர்களை ‘புனைய’ இவைகள் கதை இல்லை. என்ன செய்வது? அவர்களுக்கு உயிரும், முகமும் கருத்தும் இருக்கிறது.

நான் புனைபெயரில் எழுதுவது தொடர்பாய் இங்கேயே எழுதிவிடுவதில் எனக்கொன்றும் கஸ்ரமில்லை (ஒரு புனைபெயரில் எழுதுகிறேன் என்பதன் அர்த்தம் அநாமதேயம் எல்லாம் 'நான்' என்பதல்ல). நான் ‘யார்’ என்பது இணைய வாசகர்களைப்பொறுத்தவரை அநாமதேயம்தான். எனது பெயர் இந்த இணையத்தில் அத்தனை ‘பிரபலம்’ இல்லை! நான் ‘என்ன’ சொல்கிறேன் என்பதே எனக்கு முக்கியம். அத்தோடு எனது ஒவ்வொரு கருத்துக்கும் 100வீதம் அதற்கு மேலவும் நான் பொறுப்பெடுத்துக்கொள்வேன் (செயமோகன் மீது நான் வைத்த விமர்சனம் அவர் 'பொறுப்பெடுக்க மாட்டார்' என்பதன் அடிப்படையிலேயே). ஆகையால் செயமோகன் பற்றி இன்ன பிறர் பற்றி நான் எழுதுகிற விமர்சனத்திற்கும் நான் நிச்சயம் பொறுப்பெடுத்துக்கொள்வேன். தனியே செயமோகனோடு மட்டும் என் தனிப்பட்ட 'காழ்ப்புணர்ச்சியை' காட்டவில்லை. சேரன் பற்றியும் எழுதியுள்ளேன். அவரில் எனக்கென்ன காழ்ப்புணர்ச்சி இருக்க முடியும்! இந்த முக்கிய பொதுநபர்கள் கட்டுடைக்கப்படவேண்டியவர்கள் எனப்து என் கருத்து. அத்தோடு அவர்களைப் பற்றி எல்லாம் எழுத நான் மற்றவர்களிடம் அனுமதி கேட்கவேண்டுமா என்ன? எனக்கு கருத்து இருக்கிறது, அவர்களிடமும் ஒன்று, அதனுடன் முரண்பாடு. அவரது புத்தகத்தை எடுத்தவுடன் ஆ என்று கனங் கருதி பிரமித்து உட்கார்ந்துவிட நிறையப் பேர் இருப்பதால் நான் அவரைப் பற்றி முரண்படுகிறவற்றை எழுத நினைக்கிறேன் 'ஜால்ரா' அடிக்காமல். அதற்காக விமர்சனம் எழுதி முடிய, 'அவரை நிராகரியுங்கள்' என அறைகூவல் விடவில்லை. In fact, செயமோகனது சில சிறுகதைகள், சில கவனங்கள் (observations) எனக்குப் பிடித்துத்தான் இருக்கிறது (அவரை விமர்சிக்கையில் 'அவரைப் பிடிக்கும் ஆனால்' என எழுதவேண்டியது தமிழ் சூழலின் கட்டாயமா என்ன?).

ஒருவரைப் புகழந்து எழுதாதபட்சத்தே, விமர்சனங்கள் 'தனிப்ப்ட்ட காழ்ப்புணர்சி' யாகத்தான் இருக்க வேண்டடியிருப்பது சூழலின் அவலம். அது என்னுடைய பிரச்சினையில்லை.



நீங்கள் தெளிவுறுத்துங்கள்!

முக்கியமான உங்களுக்கு தனிப்பட்டரீதியாக 'அநாமதேயமாக' எழுதிய மெயில்களை எனது தலையில் போடுவது குறித்து மறுப்புத் தெரிவிக்க, இது என் பற்றியதா என்பதை இங்கு நீங்கள் எழுதுவது அவசியமாகிறது. அதுதான் 'குற்றஞ்சாட்டப்பட்டவர்மீதான' குறைந்தபட்ச அவர் தரப்பு வாதத்ததைத் தர ஏதுவாக இருக்கும். அல்லது அவர்கள் தம் தரப்பைத் தரவே கூடாதா?!

நான் என்று சொல்வீர்களென்றால் இப்போதே (அது குறித்து) பதிலையும் தந்துவிடுகிறேன். யாருடைய பாலியல் தேர்வும், அவர்கள் யாருடன் தொடர்பில் உள்ளார்கள் என்பதும் எனக்கு சுவாரசியம் தருகிற விடயங்கள் அல்ல (சுவாரசியம் தந்தால் நல்லம்தான்; ஆனால் இல்லை). "எல்லோருடைய அலமாரிகளுக்குள்ளும் எலும்புக்கூடுகள் இருக்கின்றன." இது அரசியலிலும் பொருந்தும் மற்றவர்களுடைய அந்தரங்கத்தை பார்க்கநினைப்பதற்கும் பொருந்தும். ஆதலால் உங்களுடன் அந்த சேட்டை செய்பவர்களுடைய தொப்பிகளை மற்றவர்களுக்குத் தராதீர்கள்.


ஒரு பெண்ணாய். இன்றைய கணம், நிறைய விடயங்களை எழுத (நிச்சயம் கறுப்பியைப் பற்றி/கறுப்பியின் படைப்புகள் பற்றியோ அல்ல) ‘ஒரு பொடிச்சி’ என்கிற அடையாளம் எனக்கு ‘வசதி’ யாய் இருக்கிறது. நான் கடந்த வருட இறுதியில் இந்த பிளாக்கை தொடங்கியபோது கூட இதையே தெரிவித்திருந்தேன். நான் ‘நேரத்தை பிரயோசனமாக செலவளிக்கவே’ அதை தொடங்கினேன். நீங்கள் குற்றஞ்சாட்டும் நபர் 'நானாக' இரந்தால் உங்களை வசைபாடும் ஒரே நோக்குடன் நான் அதைத் தொடங்கியதாய் ஆகிறது! என்ன கொடுமை! ஒருவருக்கு இதுவே ஒரு வேலையாக இருக்க முடியுமா?! உங்களை நேரடியாவோ மறைமுகமாவோ நான் இதுவரை ‘குட்டு’ வைக்கவுமில்லை, இனியும் செய்யப்போவதில்லை (இதற்கு மாறாய், ஏதும் இருந்தால் அறியத் தாருங்கள் - 'ஒரு பொடிச்சி' எனப் போட்டு அது குறித்து 'பகிரங்கப்படுத்தி' எழுதுங்கள்). . .நான் 'கடந்து போகிறபோது' மெட்டி ஒலி' பார்ப்பது குறித்தும், (புரியாதவர்கள் எனது பதிவு அந்த இன்னொரு பெண்ணைப் பற்றி... -6- பார்த்துக்கொள்ளுங்கள்) நான் 'விமர்சித்தபடியே' செயமோகன் படிப்பதுப்றறியும் உங்களுக்கத்தான் ஆகவில்லையோ என்று பட்டது! (நான் மெட்டிலி ஒலி கடந்து போகாமல் இருந்துதான் ஆரம்பத்தில் பார்த்தேன். பிறகு அவர்கள் இழுக்கத் தொடங்கியதும் நேரமின்மை காரணமாக பார்ப்பதில்லை. மற்றப்படி அதற்கொன்றும் இல்லை. நான் என்னை intellectual என்று எழுதுவதைக் கூடவா நீங்கள் சீரியஸாக எடுத்துக்கொண்டீர்க்ள?! எனது நகைச்சுவை உணர்வு குறித்து மிகவும் மட்டமாக உணர்கிறேன்)
If you didn't mean them, then forget these! Maybe I am 'imagining' as well!

உங்கள் போன்ற ஆள் ‘பிரயோசனமாய் செலவளிக்க’ சொன்னபிறகு எனது நேரத்தை இங்கு மினக்கெடுத்துவதில் எனக்கும் ஆசை இல்லைத்தான். ஆனால் இதை பார்க்கிற ‘புரியாத’ நபர்கள் கொடுப்புக்குள் சிரித்துக்கொள்வதிலும் 'ஒரு சுவாரசியம் தரும்' விடுப்புப் பார்ப்பதிலும் எனக்கு fun இல்லை.
ஆனால் என்னைப் பற்றியதாக இருக்கும்பட்சத்தில் அதை 'மௌனமாய்' எதிர்கொள்ள நான் நீங்கள் பிரேரிக்கிற மனிதர்களின் ஒருவள் அல்லாததால் இந்தப் பதில்.


அத்தோடு இந்த ராஜி என்கிற நபர் ஒரு பெண் என்று எழுதியது நீங்கள்தான். அவர் ஆணாகக் கூட இருக்கலாம் எனவே நான் நினைக்கிறேன். அவரிடம் நேர்மை இருக்குமானால் இத்தகைய உங்களுடைய ‘புனைவுக்கு’ அவர் வந்து பதில் சொல்லியிருப்பார். ஆனால் இதுவரை ஏன் ஒரு பதிலில்லை? ராஜி என எழுதப்பட்டிருப்பது ‘ஒரு பொடிச்சி’ எழுதுவதுபோலவே இருக்கவேண்டுமென ‘உள்நோக்கத்துடன்’ எழுதப்பட்டிருக்குமானால் அதை நான் கண்டிக்கிறேன். அவர் வந்து தன்னுடைய பக்கத்தை கூறவேண்டும். அதன்பின்பு நீங்கள் என்ன செய்வீர்கள்? மன்னிப்பு? மற்றவர்களுடைய பிறப்புப் பற்றி வசையாடுகிற உங்களிடம் நான் அதை எதிர்பார்க்கவில்லை.

ஆனால் நான் ராஜியும் இல்லை. ஒரு அநாமதேய நபரும் அல்ல. 'ஒரு பொடிச்சி' என்று உங்களுடைய பதிவொன்றில் பின்னுட்டமிட்டது மாத்திரமே நான். இந்த அடிப்படையில் நீங்கள் தெளிவுறுத்துங்கள். இங்கிருப்பவர்களை எப்படிப்பட்ட -வன்முறையை தூண்டாத- பாடல் கேட்கவேண்டும் (ஆனால் படம் பர்க்கலாம்!) என பரிந்துரை செய்கிற நீங்கள், சனநாயக முறையில் நபர்களை அடையாளங் காட்டுங்கள். பிறகு பேசுவோம்.

 
At 9:34 PM, Blogger raji said...

This comment has been removed by a blog administrator.

 
At 9:38 PM, Blogger raji said...

Manmathanal vantha vinayku maruvinay. Thodakina Nirubaku uthaykanum.(Joke)
கறுப்பிக்கும் பொடிச்சிக்கும் ராஜி ஆகிய எனது பதில்.
நான் மதியம் 2 மணியளவில் தான் கறுப்பியின் பதிவைப் பார்த்தேன். உடனடியகாப் பதில் எழுதாதிற்கு உள்நோக்கம் எதுவும் இல்லை. எனது நேரம்தான் பிரச்சனை. எனது குழந்தைகளை பாடசாலையில் இருந்து ஏற்றிவந்து சங்கீத வகுப்பு(களுக்கு) கொண்டுபோய் விட்டுவிட்டு முடியும் வரை உறவினர் ஒருவரின் வீட்டில் இருந்துவிட்டு பிறகு பிள்ளைகளை வீட்;டிற்கு ஏற்றிவந்துää அவர்களின் பாடுபார்த்து பின் மெட்டிஓலி பார்த்து விட்டு ‘செல்வி’ தொடங்கவும 11.00 (பி.இ) அதை விட்டுவிட்டு கணணிக்கு வந்தால் பெட்டையின் என்பற்றிய சந்தேகம் பிரசுரமாகியிருந்தது. ஆகவே ‘பெட்டை’ அவர்களே இப்போது உங்குகளுக்கு என் காலதாமதத்தால் என் நேர்மைமீது வந்த சந்தேகம் போயிருக்கும் என நம்புகிறேன். அதைவிட உங்களைப் போல நான் எழுதினேன் என்பதன் அர்த்தம் எனக்கு புரியவில்லை. ஜெயமோகனை யாரும் விமர்சிக்கலாம் தானே.

சரி இனி கறுப்பியிடம் வருவோம்:

நீங்கள் கூறிய பெயரில் எனக்கு சகோதரி யாரும் கிடையாது. நான் உங்களுக்கு பழைய நண்பியும்; கிடையாது. உங்கள் அறிவுக்கு பதில் தரமுடிந்திருந்தால் நீங்கள் முதலில் பதிலைத் தந்திருக்கவேண்டும். பின்புதான் மற்றய உங்கள் சந்தேகம்களைப் பற்றிப் பேசியிருக்க வேண்டும். அதைவிடுத்து அந்த சகோதரிகளை இழுத்து தரக்குறைவாகப் பேசியது சுத்த அனாகரிகமானது. விமர்சனத்துக்கு முகம்கொடுக்க திராணியற்று விமர்சனத்தையே பத்தியிலிருந்து நீக்கிய நீங்கள் இலக்கியத்தில் பெரிதாக சாதித்ததாக சொல்வது சுத்த அபத்தம். மானிசியபுத்திரனின்ää பெயரிலி ஆகியோர் சம்மந்தப்பட்;ட அண்மைய விவாதத்தைப் பார்த்தால் விமர்சனத்தை எப்படி எதிர்கொள்வது என்பதை அறிவீரகள். அதைவிடுத்து விருதுகளை வைத்து ஒருவரின் திறமையை அளவிடுவதாயின் தமிழர்தகவல் திருச்செல்வத்திடமும்ää தமிழன் வழிகாட்டி செந்தியிடமும் தாரளமாக விருது வாங்கலாம். நீங்கள் குறிப்பிட்ட சகோதரிகளுக்கு என்னைத் தெரியாவிடினும் எனக்கு அவர்களை ஓரளவு தெரியும். அதனால்தான் சொல்கிறேன் அவர்கள் விடுதலைப் பாடலுக்கு வக்காலத்து வாங்க இவளவு அக்கறையாக வருவார்கள் என நான் நினைக்கவில்லை. உங்களுக்கும் இது புரிந்திரு;க வேண்டும். மீண்டும் சொல்கிறேன் (எச்சரிக்கிறேன்) உங்களை விட உயரமான விடயங்களில் தலையை விடாதீர்கள.;;

பி.கு: சகோதரிகளை வம்புக்கிளுத்து அனாகரிகமாக கதைத்ததிலிருந்து அவர்களுக்கும் உங்களுக்குமான மோதலில் உங்கள் பக்க நியாயம் எப்பிடியிருக்கும் இருக்கும் என்பதை வாசிப்பவர்கள் புரிந்து கொள்ள முடியுமென்று நினைக்கிறேன.

Raji Selvakumar

 
At 12:32 AM, Blogger டிசே தமிழன் said...

கறுப்பி,
நீங்கள் எழுதிய உள்ளீடைப் பார்க்கும்போது யாரை நீங்கள் குறிவைக்கின்றீர்கள் என்று புரிகின்றபோதும் (அதை நேரடியாக கூறாது ஊகமாகவே நீங்கள் குறிப்பிடுகின்றபடியால்) நானும் நேரடியாகப் பதில் எழுத முடியாதிருக்கின்றது. இவர்கள்தான் அவர்கள் என்று தொடங்கி எழுதலாம் என்றாலும், நீங்கள், நான் குறிப்பிடும் அவர்களைக் குறிப்பிடவில்லை என்று இன்னொரு பதிவை இடக்கூடும். எனெனில் ராஜி, ரோசி என்று இருபெயர்களைக்குறிப்பிட்டு அவர்களைப்பற்றி ஒரு சரித்திரமே எழுதிய உங்கள் வாதம், அந்த ராஜிக்கு உங்களைத் தெரியாது மற்றும் தனக்கு சகோதரி இல்லையென்கின்றபோது எவ்வளவு அபத்தமாகப்போய்விட்டது.

நிற்க.
யாரோ ஒரு பெண்(ராஜி) சில கேள்விகளைக் கேட்டுவிட்டார் என்பதற்காக யாரையோ உருவகப்படுத்தி பெரிய புராணமொன்று எழுதிய நீங்கள் (என்னைப்போன்ற ஆண்கள் கேட்டால் கூட இப்படி எழுதியிருப்பீர்களோ என்று எனக்குத்தெரியாது) பெண்ணியம் பேசுகின்றீர்கள் என்று சொல்வது மிகவும் வியப்பாயிருக்கின்றது (இப்படிக்கேட்பதால் நான் ஆணாதிக்கவாதி என்று நீங்கள் சொன்னால் அதையும் ஏற்றுக்கொண்டுபோகின்றேன்).

எனக்கும் இங்கு தெரிந்த இரண்டு தோழிகள்(சகோதரிகள்) இருக்கின்றார்கள். இலக்கியம் தெரிந்தவர்கள் மண்டை இறுகி இருக்கவேண்டும் என்பதற்கு மாறாய் அவர்கள் இயல்பாய் இருப்பது எனக்கு மிகவும் பிடித்திருந்தது. இலக்கியத்தைப்போலவே வாழ்வில் இன்னும் எத்தனையோ அற்புதமான விடயங்கள் இருக்கின்றன என்பதையும் அவர்களது உரையாடல்கள் இன்றும் மெய்பித்தபடிதான் இருக்கின்றன.
நிரம்ப வாசிப்பு இருந்த/இருக்கும் அவர்களிடம் அதிகம் எழுதுவதில்லையே என்று நட்பு முகிழ்ந்த ஆரம்பக்காலத்தில் கேட்டபோது, எழுத நிரம்ப விருப்பமிருப்பினும் இங்கேயிருக்கும் இலக்கியவாதிகளுக்கு விமர்சனங்களை ஏற்றுக்கொள்ளும் பக்குவம் கிடையாது. அதை தனிநபர் தாக்குதல்களாய் பார்த்து ஆடத்தொடங்கிவிடுவார்கள் என்று சொன்னது நினைவிலுண்டு. எழுதுகின்ற அலுப்பில்தான் இப்படி ஒரு சாட்டு சொல்கின்றனர் என்று எண்ணியிருந்தேன். ஆனால் அதுவே நிஜம்போலத்தான் இன்றையபொழுதில் தெரிகிறது.

மற்றது, எனது personal விடயங்களைக்கூட அவர்களிடம் பகிர்ந்திருக்கின்றேன். நாளைக்கு ஏதோ ஒருபுள்ளியில் முரண்பட்டோ அல்லது வாழ்வியல் சூழ்நிலைகளால் பிரிந்தோ நாங்கள் போகவும் கூடும். அவர்களை அறிந்தவகையில் எந்தப்பொழுதிலும் எனது தனிப்பட்ட விடயங்களை ஏலம் விடமாட்டார்கள் என்ற நம்பிக்கை எனக்கிருக்கிறது. நீங்கள் அம்பு விடும் நபர்களும் எனது தோழிகளும் ஓரிடத்தில் சந்திக்கின்றார்கள் என்றால், நீங்கள் வைக்கும் குற்றச்சாட்டுக்கள் எவ்வளவு அபத்தமானவை என்பது குறைந்தபட்சம் அவர்களை அறிந்த எனக்குத்தெரியும். மற்றபடி பக்கத்திலிருக்கும் சகமனிதரை அறியமுயலாது கண்ணை மூடிக்கொண்டிருந்தால் இலக்கியமோ பட்டங்களோ எந்தப்பலனும் தந்துவிடப்போவதில்லை என்பது எனது தாழ்மையான அபிப்பிராயம்.

மற்றது ரோசாவசந்த், வசந்தன் போன்றவர்களுக்கு உங்களிடமிருந்து என்ன பதில் என்பதையும் அறிய ஆவல்.

//உங்கள் அறிவுக்கு பதில் தரமுடிந்திருந்தால் நீங்கள் முதலில் பதிலைத் தந்திருக்கவேண்டும். பின்புதான் மற்றய உங்கள் சந்தேகம்களைப் பற்றிப் பேசியிருக்க வேண்டும். அதைவிடுத்து அந்த சகோதரிகளை இழுத்து தரக்குறைவாகப் பேசியது சுத்த அனாகரிகமானது..//
என்ற ராஜியின் கருத்தைத்தான் என் கேள்வியாகவும் உங்களிடம் நான் விட்டுச்செல்கின்றேன் தற்சமயம்.
........
பின்குறிப்பாய், இதை எழுதப்போவதாய் கூட நான் என் தோழியரிடம் சொல்லவில்லை. இப்படியெழுதியிருப்பதால் அவர்கள் கோபிக்கவும்கூடும். அதற்காய் என் மனதில்பட்டதை சொல்லாமல் இருப்பது இன்னும் அநியாயமாய்த்தானிருக்கும்.

 
At 9:47 AM, Blogger raji said...

Re pupulished from blogg spot of Karubi
நான் முதலிலேயே கேட்டேன் “விடுதலைப் பாடல்கள் எழுதப்பட்ட இடம் காலம் (செற்றிங் அல்லது ரேக்கிங் பிளேஸ்) மற்றும் காரணம் என்பன புரியாத முட்டாள்கள் என்றா அந்தக் குழந்தைகளை நீங்கள் கருதுகிறீர்கள்” என்று. பெற்றோரும் ஆசிரியரும் தாய் நாட்டில் என்று தான் சொல்லிக் கொடுக்கிறார்கள். இங்கெண்று இல்லை.
நான் மீண்டும் மீண்டும் சொல்லிவிட்டேன் நான் அந்தச் சகோதரிகளில் ஒருத்தி அல்ல. அதன்பின்னும் அந்த சகோதரிகளை; வம்புககு இழுப்பது நீங்கள் தான். நீங்கள் என்னை தவறாக விளங்கி சகோதரிகளை வம்புக்கு இழுத்தபடியால்தான் ‘பொடிச்சி’ பதில் எழுத உங்கள் தளத்துக்கு வந்தார் அதை விட இன்னொருவரை "என் தளத்தலில் விமர்சனம் எழுதாதே" என்று சொல்வதானால் அந்தப் படைப்புக்களை உங்கள் கணணியில் மட்டும் போட்டு வைத்துக்கொண்டு ஆசை தீரப் பார்க்கலாமே? ஏன் இணையத்தில் ஏற்றினீர்கள். ஒரு வரை விமர்சனம் செய்யாதே எனச் சொல்ல அவசரகாலம் அற்ற சூழலில் யாருக்கும் உரிமை இல்லை. அப்படிச் சொல்வீர்களாயின் அவசரகால நிலையில் விமர்சனங்களை எதிர்க்கின்ற சில அமைப்புக்களை பிழை சொல்கின்ற உங்கள் வாதங்கள் அபத்தங்களாகும் மேலும் நேற்று ஒரு விடயத்தைக் கேட்டெழுத மறந்து விட்டேன் அதாவது ஒரு பெண்ணிடம் ஆண் பெயரில் கடிதம் எழுதி “உனக்கு யாராருடன் தொடர்புகள் உண்டு?” எனக் கேட்க முடியுமா. ஒரு பெண் பெயரில் எழுதி நம்பிக்கையை வளர்தபின்னால் வேண்டுமென்றால் கேட்கலாம். ஏன் என்றால் உண்மையில எழுதுவது ஆணாயின் நீங்கள் பதில் சொன்னுதும் அவரின் (“கேவலமாக மெயில் எழுதும்”ஆணாதிக்க ஆண்களின்) அடுத்த கேள்வி “என்னுடனும் வருகிறாயா?” என்பதாயே இருக்கும். இது பொதுவாக பெண்கள் எல்லாருக்கும் தெரியும். ஆகவே அப்படி ஆண் பெயரில் உங்கள் இரகசியம் அறிய முயலும் வேலையை பெண்கள் செய்யமாட்டார்கள. இந்த சிம்பிள் லொஜீகே தெரியாமல் இருக்கும் நீங்கள் எப்படி ஆழாமான இலக்கியம் படைப்பபீர்கள். “மருண்டவன் கண்களுக்கு இருண்டதெல்லாம் பேய்” “காமாளைக் கண்ணனுக்கு வெயில் எல்லாம் மஞ்சள்” என்ற நிலையில் இருக்கிறீர்கள். சரி நல்ல உளவியல் ஆழமிக்க டீ.சே தமிழனுக்கு தான் நிலமை புரியவில்லை என்று வைத்துக்கொள்வோம். மற்றவர்களுக்கும் நிலமை விளங்கவில்லை என்றே வைத்துக்கொள்வோம். எனக்குமா புரியாமல் போகும். ஏநென்றால் எழுதியதே நான் தானே. நான் அந்த சகோதரிகளில் ஒருவர் இல்லைத்தானே. அதை விட தவறான புரிதலினால் அந்த சகோதரிகளை இணையத்திலேயே கொச்சைப்படுத்திய நீங்கள் நேரடியாக மற்றவர்களிடம் எந்தளவு கொசீப் அடிச்சிருப்பீர்கள். உங்களுக்கு உயர்வு மனச்சிக்லினால் வரும் தாழ்வு மனச்சிக்கல் உள்ளது. அதற்கு ஆதாரம்(1) “ஜெயமோகன் சூரா ஆகியோரோடு நானும் அந்த சகோதரிகளிடம் இலக்கியம் படிக்க போகிறோம் என்று எழுதியது. ஜேயமோகனின் எழுத்து ஆழமற்றதெனினும் உங்கள் அளவுக்கு கிடையாது.
(2) சகோதிகள் ஒடி ஓடி உங்களுக்கு எதிராக பிரச்சாரம் செய்வதாகச் சொல்வது.
அவர்களும் படித்தவர்கள் நல்ல ஆஙகிலத் தகமை உள்ளவர்கள். பல ஆண்களுடன் வேலை செய்தவர்கள். ஆகவே நீங்கள் எழுதியது போல் இக்காரணங்களுக்காக உங்களை அவர்கள் கொச்சைப்படுத்தத் தேவையில்லை. (அவ்வாறு நினைப்பதும் மன அழுத்தத்தின் நோயின் ஒரு நிலை அதாவது யாரும் எம்மைக் கண்டு கொள்ளாவிடினும் எமக்கெதிராக பல பேர் சதிசெய்வது போலிருக்கும்.)

இறுதியாய் எனக்கு ஒரு சந்தேகம். ‘எழுதியது அவர்கள் இல்லை என்று புரிந்த பின்னும் என்கேள்விக்கு பதில் எழுத முடியாததால் தொடர்ந்தும் விளங்காததுவாய் நடிக்கிறீர்களோ?’ என்று

Raji Selvakumar


Thanks: Karubi's blogg spot

 
At 3:36 PM, Blogger நிருபா said...

இத்துடன் நிறுத்திக்கொண்டு உங்கள் உங்கள் பதிவுகளில் விவாதங்களைத் தொடரும்படி தாழ்மையுடன் வேண்டிக்கொள்கிறேன். இந்த யனநாயக மறுப்பிற்காக என்னை மன்னிக்காவிட்டாலும் பறவாயில்லை.

 
At 6:12 PM, Blogger டிசே தமிழன் said...

Hi Nirupaa,
I put my posting at the first place without asking your permission. I'm really sorry about that. Please accept my apologize. Thank you.

Dj

 

Post a Comment

<< Home

Rate this post at www.thamizmanam.com Current rating is: Click on the stars for voting pad.

Listed in tamizmaNam.com, where bloggers and readers meet :: தமிழ்மணம்.காம்-ல் பட்டியலிடப்பட்டு, திரட்டப்படுகிறது

Website Counter
Website Counters